Daniel Toscan du Plantier
Daniel Toscan du Plantier, nascut lo 7 d'abril de 1941 a Chamberí (Savòia ) e mòrt a Berlin (Alemanha) lo 11 de febrièr de 2003, èra un productor de cinèma francés e director general de la celèbra societat de produccion cinematografica francesa "Gaumont" de 1975 a 1985. Ven de la noblesa francesas de Borgonha per sa maire, e a d'originas occitanas del Daufinat per son paire, un industrial que la familha ven del país Gavòt, mai précisament de Montmaur (País de Buech). Auriá tanben d'originas italianas.
Prolific productor del cinèma francés, es conegut per son amor del cinèma e son estrambòrd, esitant pas a produire de realizators avent agut de gròsses problèmas budgetaris coma per exemple Maurice Pialat.
En 1996, ven president de la cinematèca de Tolosa (Occitània), a una periòda ont èra proprietari del castèl d'Ambacs dins lo Savès.[1]
A collaborat a la mesa en plaça del festenal internacional del film a Marraquèsh al Marròc en 2001, festenal iniciat pel rei Mohammed VI.
Esposa en primièras nòças l'actritz Marie-Christine Barrault ambe qui a dos mainatges, David e Ariane, puèi a esposat tanben Francesca Comencini, ambe qui a tanben agut un filh, Carlo.
Lo 23 de decembre de 1996, son esposa d'alara, Sophie Bouniol, es assassinada en Irlanda.[2] Se torna maridar en Occitània lo 27 de junh de 1998 a Aush, en Gasconha, ambe Melita Nikolic, amb la quala a dos mainatges, Tosca e Maxime.
Es tanben estat lo companh de las actrises Isabelle Huppert e Isabella Rossellini.
Referéncias
modificar- ↑ 12 février 2003 : La Cinémathèque pleure son président https://www.ladepeche.fr/article/2003/02/12/292279-la-cinematheque-pleure-son-president.html
- ↑ Rebondissement dans l'affaire Sophie Toscan du Plantier tuée en Irlande en 1996 https://france3-regions.francetvinfo.fr/occitanie/20-ans-apres-le-meurtre-de-sophie-toscan-du-plantier-un-suspect-renvoye-devant-les-assises-1060539.html