Cristau liquid
Un cristau liquid es un estat de la matèria que combina de proprietats d'un liquid ordinari e d'un solid cristallizat. Lei cristaus liquids son ansin capables de rajar coma un liquid mai, coma un solid, sei particulas presentan un òrdre sus de distàncias lòngas. Observat tre lo sègle XVIII, aquel estat foguèt identificat per lo fisician alemand Otto Lehmann (1855-1922) durant la segonda mitat dau sègle XIX. Uei, lei cristaus liquids son un element important dei tecnologias modèrnas amb d'aplicacions dins fòrça brancas de la tecnica.