Cosmodròm de Baikonor

Lo Cosmodròm de Baikonor (casac: Байқоңыр ғарыш айлағы, romanizat: Baıqońyr ǵarysh aılaǵy; rus: Космодро́м Байкону́р, romanizat: Kosmodrom Baykonur) es un pòrt espacial situat dins una region del sud de Cazacstan.

Le Cosmodrome es la primièra e la pus granda installacion de lançament espacial operacional al mond. Lo pòrt espacial es situat dins l'estepa desertica de Baikonor, a aperaquí 200 quilomètres a l'èst de la mar d'Aral e al nòrd del flume Syr Darya. Se trapa près de la gara de Tyuratam e a aperaquí 90 mètres en dessús del nivèl de la mar. Lo cosmodròm de Baikonor e la vila de Baikonor an celebrat le 63e aniversari de la fondacion lo 2 de junh de 2018.

Lo pòrt espacial es a l'ora d'ara logat pel governament casac a Russia entrò 2050 e es gerit conjuntament per la Roscosmos State Corporation e las fòrças aerospacialas russas.

La forma de la zona logada es una elipsa, que mesura 90 quilomètres d'èst en oèst sus 85 quilomètres del nòrd al sud, amb lo cosmodròm al centre. Foguèt bastit a l'origina per l'Union sovietica a la fin dels ans 50 coma basa d'operacions del programa espacial sovietic. Dins l'encastre del programa espacial rus actual, Baikonor demòra un pòrt espacial fòrça frequentat, amb nombrosas missions comercialas, militaras e scientificas lançadas cada an. Totes los vòls espacials russes en equipatge son lançats dempuèi Baikonor.

Spotnik 1, lo primièr satellit artificial, e Vostok 1, lo primièr vòl espacial uman, son estat lancats dempuèi Baikonor. La rampa de lançament utilizada per las doas missions foguèt rebatejada Gagarin's Start en onor del cosmonauta sovietic Iurii Gagarin, pilòt de Vostok 1 e primièr uman dins l'espaci.