Cortez the Killer
Cortez the Killer es una cançon del cantaire canadian Neil Young de son album de 1975, Zuma. Foguèt enregistrada amb lo grop Crazy Horse. Foguèt classada 39ena entre los 100 pus grands solos de guitarra per Guitar World e 329ena sus la lista de las 500 pus grandas cançons de totes los tempses pel magazina Rolling Stone.
Young declarèt en concèrt qu'aviá escrit la cançon tot en estudiant l'istòria al licèu de Winnipeg. Segon las nòtas de Young per l'album Decade, la cançon foguèt enebida en Espanha sos Francisco Franco. Segon lo jornal espanhòl El País e l'autor Xavier Valiño, l'album Zuma foguèt autorizat en Espanha dins son integralitat sonque après la mòrt de Franco, amb la cançon rebatejada amb lo títol mens incendiari "Cortez".
La cançon parla d'Hernán Cortés (lo nom de Cortés a una ortografia anglicizada alternativa dins lo títol de la cançon), un conquistador que conquistèt Mexic pel compte d'Espanha al sègle XVI. "Cortez the Killer" fa tanben referéncia al sobeiran astèc Moctezuma II e a d'autres eveniments survenguts durant de la conquista espanhòla del Novèl Monde.
Nòtas e referéncias
modificar- (en) Aqueste article es parcialament o en totalitat eissit d’una traduccion de l’article de Wikipèdia en anglés intitolat « Cortez the Killer ».