Conselh comarcal

Lo conselh comarcal (Consell comarcal en catalan) es un organ d'administracion e govèrn de las comarcas de qualques territòris, coma Catalonha o Aragon.

Partit politic majoritari dins los Conselhs Comarcals e lo Conselh Generau d'Aran

Los conselhs comarcals en Catalonha son l'organ de govèrn e d'administracion de la comarca. La siá organizacion, coma en totas las entitats localas de Catalonha, se configura amb un organ collegial, lo plen, e un organ unipersonal, lo President. Comptan de mai una figura integrada en la copòla del govèrn: lo gerent. Aquel es un professional qu'a plena dedicacion a l'execucion dels prètzfaches del govèrn e de l'administracion comarcala.

En Catalonha, la Val d'Aran es l'unica comarca qu'a pas de conselh comarcal car a un organisme autonòm pròpri nomenat Conselh Generau d'Aran.

Lo plen del conselh comarcal es format, tal coma correspond a una entitat de segond gra, per conselhièrs de las comunas que la compausan. La designacion dels conselhièrs comarcals se fa per un sistèma basat en la Lei o Regla D'Hondt en aplicant una formula mixta en prenent en compte tant los vòtes obtenguts per cada candidatura coma lo nombre de conselhièrs.

Lo President a las atribucions representativas inerentas a la carga e las de supervision de l'administracion, dels servicis e del personal.

Los conselhs comarcals en Catalonha son regulats pel Decrèt Legislatiu 4/2003, de 4 de novembre, que s'apròva per el lo tèxt refondut de la Lei d'organizacion comarcala de Catalonha.