Comtat deis Estats Units

Ais Estats Units, un comtat (anglés : county) es una forma de govèrn locau, una division territoriala pus pichona qu'un Estat mai pus gròssa qu'una vila o una municipalitat, dins un Estat o un territòri. Pus rarament, dins lei vilas mai grandas deis Estats Units, una vila pòu comprendre mai d'un comtat (coma lei boroughs de Noava York) o pòu èstre, en fach, la mema entitat politica (coma San Francisco).

Quai toi lei territòris deis Estats Units son cubèrts de comtats o de juridiccions assimiladas, franc d'Alaska que si compausa de boroughs, onte la mitat dau territòri a pas de representacion locala e que l'Estat administra directament, e Loïsiana que si divisa en parròquias. Levat d'aiçò, lei poders, la talha e la populacion dei comtats poadon variar totplen d'un Estat a l'autre.

Au centre d'administracion d'un comtat, analògue a un capluec, li dién abitualament sèti de comtat (county seat).