Clafotís

Lo clafotís, clampotís es una còca compausada de cerièras negadas dins una pasta de pescajons. Tradicionalament, las cerièras son pas descloscadas. Aquò's un dessèrt sortit de Lemosin que lo nom seriá derivat del vèrb claufir (sosentendut: « la pasta de cerièras »). Lo clafotís se seriá espandit al sègle xix. Fach emb d'autres fruchs (pera, poma...), es apelat flaunharda.