Shupashkar
Shupashkar (chovash: Шупашкар) o Cheboksary (rus: Чебоксары) es una vila chovasha de Russia, capitala de Chovàshia, e un pòrt sus Vòlga. Sa populacion èra de 497 807 abitants en 2021. A una vila satellita, Shene Shupashkar (chuvash: Ҫӗнӗ Шупашкар) о Novocheboksarsk (rus: Новочебоксарск) a unes sièis quilomètres a l'èst amb una populacion de 120 375 (2021).
|
Cheboksary
Shupashkar | |||||
|---|---|---|---|---|---|
| |||||
| |||||
| Geografia politica | |||||
| País |  Russia | ||||
| Subjècte federal | Chovàshia | ||||
| Geografia umana | |||||
| Populacion (2021) |
497 807 ab. | ||||
| Autras informacions | |||||
| http: | |||||
.svg)
Istòria
modificarLos cavaments arqueologics mòstran qu'un establiment de tipe urban es aparegut sul site de Shupashkar a la virada dels sègles XIII e XIV, mentre qu'un establiment bulgaro-chovash ja existissiá sus aquel site.
La granda carta veniciana de Domenico e Francesco Pizigani de 1367 e l'atlàs catalan de 1375 mòstran una vila non marcada en plaça de Shupashkar. Una carta de 1459, realizada per Fra Mauro pel rei de Portugal Anfós V sus la basa de cartas anterioras, mòstra una vila apelada Veda-Suar (chovash: Ватă Сăвар, Vată Săvar, valent a dire Vièlh Suvar) en plaça de Shupashkar.
La primièra mencion escricha sus la vila proven del 1469, de soldats russes que luchavan contra lo Khanat de Kazan. En aqueles tempses la vila s'apelava Çabaqsar e èra poblada per chovashes, tаtars e d'autras. En 1555 los russes i bastiguèron una ciutadèla, qu'es a l'origina de la vila actuala.
En 1708 la vila foguèt declarada centre administratiu del novèlament creat uiezd de Shupaskhar de la gobernia de Kazan.
A la debuta del XX sègle la vila aviá près de 5100 abitants. Aquò la fasiá la vila mai poblada al moment de la creacion de la Region Autonòma Chovasha en 1920 e ne venguèt lo centre administratiu. A la creacion de Republica Autonòma Chovasha en 1925, continús a en èsser la capitala, malgrat l'incorporacion dins Chovashia de la vila d'Alatyr, qu'a l'epòca la despassava largament en populacion.
Dempuèi alara, sa populacion s'es multiplicada. L'arribada del camin de fèrre en 1940 e lo desplaçament dins la vila de mantuna industria pendent la Segonda Guèrra Mondiala atisat aquel creis. L'arribada en grand nombre de chovashes dels vilatges a cambiat lo rapòrt dels grops etnics dins la vila, los chovashes essent lo 62,3% de la populacion e los russes lo 33,6%, segon de recensament de populacion de 2010.