Chastèl de Ventadorn (Bas Vivarés)
Lo chastèl de Ventadorn se situa alh sud-èst de Mairàs, en Bas Vivarés, istoricament en Lengadòc, avent d'elements d'arquitectura daus sègles XI, XII, XV e XVI. Venguèt monument istoric lo 4 de mai de 1937.
Geografia modificar
Se quilha en dessobre delh jonhent de Fontaulièra e d'Ardecha, sobre un esperon rochós, aperaquí 373 m d'altitud.
Istòria modificar
Seguèt bastit alh sègle XII quand lo fèu de Mairàs aperteniá aus Solinhac. En 1195 lo senhor de Montlaur esposèt Miracle de Solinhac e son fraire Beraut de Solinhac lhors balhèt lo fèu de Mairàs. Tornèt aus Levis a la fin delh sègle XIV, e en 1472 lo senhor de Mairàs esposèt Blancha de Ventadorn. D'aquí en avans seguèt desabitat e a la Revolucion descrit aitau: «Aquel vièlh chastèl demasiat a pas portat dempuèi sa destruccion, arribada dempuèi mai d'un sègle». Seguèt larjament utilizat après la Revolucion coma peirièra.
Arquitectura modificar
Son plan es basat sobre lo modèl daus chastèls savoiards ont lo donjon es estachat alh barri. S'i pòt veire un donjon carrat, de torres, dos colombièrs e una pòrta fortificada. Segon los trabalhs de recèrcha efectuats e la notícia sobre lo chastèl escrita per Georges Grégoire, la construccion pus anciana es lo donjon carrat. Lo barri exterior es accessible per un pònt levadís, lo barri sud a una sola entrada e lo tresen barri, que entornejava complètament lo chastèl, aviá tres pòrtas. La torre carrada de son angle nòrd-oèst es constituida de salas voutadas. La torre carrada de l'angle sud-oèst sobremontada de doas garitas datariá d'òbras delh sègle XIV.
