Chartrosa dau Glandier
La Chartrosa de Nòstra Dòna dau Glandier se tròba a Baissac, dins lo País de Pompador, en Bas Lemosin, dins l'actuau departament de Corresa.
Fuguet fondada en 1219 de mercé 'na donacion d'Archambaud VI de Combòrn en expiacion d'un crime; fuguet sostenguda au cors daus segles per de benfactors nombrós; abandonada e saquejada a la Revolucion, fuguet aquerida en 1817 per la familha La Farja, qu'en 1834 implantet 'na farja industriala dins l'enbàs. Los chartrós cromperen la proprietat aus La Farja en 1860 e tornar bastigueren lo mostier, qu'auberja auei un centre d'atencion per endecats mentaus.
