Cernunnos

Cernunnos es un dieu gallés. Cap de tèxte se raportant a el es pas estat conservat. Los cercaires ne son reduches a de conjecturas fondadas sus l'interpretacion de l'onomastica e de l'iconografia per compréner son ròtle dins la religion gallesa puèi galloromana. Figura màger del panteon cèlta, Cernunnos incarnariá lo cicle biologic de la natura, reflectissent simultanèament la vida e la mòrt, la germinacion e lo deperiment, a l'imatge del cèrvi, l'animal que o simboliza, lo qual pèrd sas banas en ivèrn per las recobrar a la prima. Frequentament associat a la Divessa maire, una autra figura màger del panteon cèlta, representariá d'un autre costat la potestat masculina e la feconditat^[1].