Cauna de las Fadas (Leucata)
La cauna de las Fadas se dobrís a Leucata, en Lengadòc, dins lo departament d'Aude e la region de Lengadòc-Rosselhon. Venguèt monument istoric lo 10 de setembre de 1924.[1] La comuna n'es la proprietària.
Situada prèp del ribatge de l'Estanh de Leucata, presenta mantun orifici d'intrada condusent a de budèls ennegats (120 m de long, -34 m). Excavada a partir de 1909 puèi en 1914 e 1919 per Teodòr e Felip Héléna, lo mobiliari descobèrt a l'intrada e a l'interior de la cauna compren de cotèls de selze, un vas incisat, un polidor de destrals, de còdols oscats lateralament, de pèrlas d'òs, de terralhas ondradas (campanifòrmes?), de penjarilhs d'arpa e d'ossaments escampilhats que tres crans descriches per Ramon Riquet. L'ocupacion de la cauna datariá de l'Eneolitic, pus precisament del Calcolitic (2000-1800 abC). Òm i a tanben trobat d'objèctes de l'epòca galloromana (ofrendas, figuronas de tèrra cuècha correspondent a d'exvoto ofèrts a las divinitats per d'abitants de Leucata; aquelas estatuetas del començament de nòstra èra, rudimentàriament fachas de tèrra grisa, jauna o roja representan de divinitats de mal identificar (Mercuri, Minèrva, Vènus) e de personatges drapats.
Lo site venguèt monument istoric en 1924.[2]
Referéncias modificar
- ↑ Cauna de las Fadas
- ↑ Basa Mérimée Notícia N°PA00102742, Ministèri francés de la Cultura.
