Carta estellara
Una carta estellara es una carta que representa lo cèu nuechenc. Permet d'identificar leis objèctes celèsts coma leis estelas, lei galaxias e lei constellacions. Aquelei cartas foguèron utilizadas per la navigacion de l'Antiquitat fins a la segonda mitat dau sègle XX. Pasmens, dempuei l'aparicion dei tecnicas de posicionament per radar ò per satellit, lei cartas estellaras son pauc a pauc remplaçadas per d'aparelhs pus modèrnes coma lo GPS.
