Nadal

Nadal (var. Nadau) o Calendas (var. Calenas, Chalendas) o Deinaal es la fèsta crestiana mai importanta. Celèbra la naissença de Jèsus Crist (coneguda tanben coma la Nativitat) lo 25 de decembre. Aquesta celebracion a pres talament de vam dins lo mond entièr qu'es celebrada tanben dins de païses qu'an pas coma religion dominanta una religion crestiana.

L'arbre de Nadal es un dels elements mai caracteristics d'aquesta fèsta de pertot.

En tèrras occitanas e mai que mai en Provença es costumièr de bastir una grépia amb de santons que representan, a mai de la naissença del nenon Jèsus, d'unes personatges o mestièrs tradicionals. En Provença encara per Nadal se sòl preparar los tretze dessèrts (simbolizan los dotze discipols de Jèsus e lo Crist).

Una autra tradicion nadalenca plan espandida es la del cachafuòc o soc de Nadal que consistís a recitar una poesia pichoneta per aver los presents de Nadal que nos pòrta una soca.

Evidentament dins lo país occitan coma de pertot se cantan de cançons per aquesta fèsta. Se sonan nadals e los mai coneguts son los qu'escriguèt lo provençal Sabòli.

Scèna de la nativitat: Josèp, Maria e los Reis Magues amb Jèsus

Vejatz tanben

Ligams intèrnes

• Calendas
• Soc de Nadal
• Tretze dessèrts

Ligams extèrnes

• (oc) (fr) (en) Nadals tradicionali dau Comtat de Niça