Reis Magues

Los Reis Magues son tres personatges nomenats Marquion (o Marchion), Gaspar e Baltasar (o Bautesar). Dins la tradicion crestiana, guidats per l'estela de Betelèm, visitèron lo Crist aprèp sa naissença, en li porgir de presents que son l'aur, l'encens e la mirra.

L'adoracion dels magues, pintura de Giotto di Bondone

Segon la tradicion, los Reis Magues arribèron davant lo presèpi lo 6 de genièr, lo jorn de l’Epifania. Son mencionats dins l'evangèli segon Matieu, que i es dich que venguèron de l'èst de Jerusalèm per venerar Jèsus, nascut rei dels jusieus.