Cachafuòc

Lo cachafuòc, soc(a) de Nadal o (soca) nadalenca es un dels elements tradicionals qu'acompanhan e alegran la celebracion de Nadal en Occitània. Aqueste tronc, que trapam tanben dins d'autres païses coma en Catalonha jol nom de tió de Nadal (amb l'acte de far cagar el tió) e Aragon jol nom de tronca, toza o tizón de Nadal, èra a la debuta un tronc (de perièr, d'olivièr o de cerièr) que se metiá dins la chaminèia, pro gròs per tal que durèsse tot lo temps de la fèsta de Nadal. Solián èsser portats al fuòc per l'aujòl e lo caganís de la familha.

Lo cachafuòc o soc de Nadal

Las autras tradicions, mangivòlas, son lo Gròs Sopar e los tretze dessèrts.

Version cevenòla de la cançoneta Bota fuòc, cachafuòcModificar

Bota fuòc, cachafuòc,
que nos alegre,
que nos fague la jòia d’èstre aquí l’an que ven,
e se sèm pas mai,
que siaguem pas mens!