Caius Sextius Calvinus

Caius Sextius Calvinus es un òme politic e generau de la Republica Romana. Es famós per aver fondat la vila d'Aquæ Sextiæ (Ais de Provença).

Sa vida es pauc coneguda. Elegit cònsol per l'annada 124 avC, foguèt cargat de perseguir l'intervencion militara de Roma iniciada en 125 avC dins lo sud-èst de Gàllia. En 123 avC, obtenguèt una importanta victòria amb la destruccion de l'oppidum d'Entremont, la capitala dei Sallavis^[1]. Puei, fondèt la colonia militara d'Aquæ Sextiæ (Ais de Provença) per contraròtle la region e acabèt la somission dau país coma procònsol. Après aqueu succès, lo rèsta de sa vida es quasi desconeguda mai una inscripcion de 92 avC indica qu'èra benlèu encara vivent a aquela epòca.

Liames intèrnes modificar

Ais de Provença.

Bibliografia modificar

Nòtas e referéncias modificar

↑ Pasmens, de recèrcas arqueologicas semblan nuançar aqueu racònte tradicionau. D'efiech, la destruccion militara de l'oppidum paréis puslèu se situar entre 110 e 90 avC. Entremont subrevisquèt donc probable a la desfacha sallavi còntra Caius Sextius Calvinus. Plaçada dins l'orbita d'Aquæ Sextiæ, foguèt pauc a pauc abandonada per sa populacion au començament dau sègle I avC (J. Gascou, Inscriptions latines de Narbonnaise, t. 3 : « Aix-en-Provence », éd. CNRS, 1995, p. 24.).

[1] Pasmens, de recèrcas arqueologicas semblan nuançar aqueu racònte tradicionau. D'efiech, la destruccion militara de l'oppidum paréis puslèu se situar entre 110 e 90 avC. Entremont subrevisquèt donc probable a la desfacha sallavi còntra Caius Sextius Calvinus. Plaçada dins l'orbita d'Aquæ Sextiæ, foguèt pauc a pauc abandonada per sa populacion au començament dau sègle I avC (J. Gascou, Inscriptions latines de Narbonnaise, t. 3 : « Aix-en-Provence », éd. CNRS, 1995, p. 24.).

[1]