Cònsol (Roma)
Lei cònsols son de magistrats romans apareguts a la fondacion de la Republica. Formavan un collègi de dos magistrats qu'èran elegits per un mandat d'un an per lo pòble roman reünit en comices centuriates. Èran encargats dei poders civiu e militar suprèms (imperium) e èran lei caps deis armadas en campanha. Pasmens, avián pas un poder absolut car lor activitat èra contrarotlada per lo Senat. De mai, un tribun de la plèba aviá lo drech de blocar una de sei decisions. Après la formacion de l'Empèri per August, lei cònsols perdiguèron son autoritat suprèm. L'eleccion foguèt remplaçada per una ratificacion per lei senators mai lo pòste demorèt prestigiós. Foguèt ansin sovent atribuït a de personalitats importantas. Pasmens, aqueu prestigi demeniguèt lentament e la foncion foguèt finalament suprimida per Justinian en 541.