Cabernet Sauvinhon
Lo Cabernet Sauvinhon es un vitatge principalament utilizat per produire de vins roges. Desvolopat a la fin del sègle XVIII dins la region de Bordèu, se caracteriza per un rendement feble, una maturitat tardiva, de grans pichons e una color roja escura. Sos aròmas rementan lo cassís dins los vins joves e la fusta de cèdre dins los vins joves. Pasmens, lo gost del vin jove de Cabernet Sauvinhon es sovent aspre a causa de la preséncia de tanins en quantitats importantas. Per aquela rason, aqueles vins son plaçats dins de botas de casse per melhorar son gost amb de nòtas boscosas.
Lo Cabernet Sauvinhon es utilizat per produire de vins de qualitat. A causa de son rendement feble, es sovent associat amb lo Cabernet Franc e lo Merlot segon lo principi de l'assemblatge bordalés. Es sustot cultivat dins la region de Bordèu e dins de nombrosas regions viticòlas de l'oèst d'Occitània e de Mediterranèa. Dins la rèsta del mond, s'o tròba sustot dins de regions temperadas coma la val de Léger, lo nòrd e lo centre d'Itàlia, Espanha, Bulgaria, Moldàvia, Califòrnia, Chile e Austràlia.
Galariá fotografica
modificar-
-
Cabernet Sauvinhon -
Fuèlha caracteristica de Cabernet Sauvinhon -
Botas de casse utilizadas per melhorar lo gost del vin de Cabernet Sauvinhon
