Lo Còdi d'Euric èra un ensems de leis de Reialme visigòt de Tolosa, que foguèron compiladas sus òrdre del rei Euric, abans de 480, benlèu a Tolosa (segon de fonts seriá estat a Arle). Foguèron compiladas dins un còdi de costumas de la nacion gòta.

La compilacion foguièt l'òbra del jurista roman Leon, qu'èra lo principal conselhièr del rei Euric.

En general lo Còdi es gaireben confús, e seriá un ensems costumas gòtas influenciat pel contacte amb los romans.

Sonque demora per la posteritat de trocets, dins un manuscrit, la partida desfaçada d'un palimpsèste (es a dire un document ancian reütilizat); per las partidas desconegudas se deguèt far d'analogias amb lo Còdi de Gundebald de Borgonha, e amb la Lei dels Bavaresos, e tanben per las Leis de la partida coneguda del Còdi de Leovigildo que derivarián d'Euric. Son de leis relativas als tèrmes, depauses, ventas, dons e eretatges, alara se podèt deduire de leis aplicables als jutges, acusacions, drech d'asil dins las glèisas, fugitius, panaires, ferits, mètges, violacions de sepulcres, mercadièrs forastièrs, infraccions, incendis volontoses, divisions de la tèrra e mai.

Foguèt remplaçat peu aprèp pel Breviari d'Alaric, compilat e promulgat sus òrdre del seu filh Alaric II en 506.