Bruno de Querfurt

Bruno de Querfurt (vèrs 974, Querfurt - 1009, Lituània) es un religiós alemand vengut un sant crestian celebrat lo 9 de març en Occident e lo 15 d'octòbre en Orient. Originari d'una familha germanica nobla, intrèt au monastèri benedictin de l'Aventin. Puei, foguèt nomat evesque de sa vila natala. Pus tard, lo papa Silvèstre II (999-1003) li demandèt d'evangelizar Rutènia. En 1008, menèt una autra mission d'evangelizacion entre lei Pechenegs, un pòble nomada installat au nòrd de la mar Negra. L'operacion foguèt globalament un succès e Bruno de Querfurt foguèt mandat en Lituània onte foguèt assassinat per de caps pagans en 1009.

Liames intèrnes

• Cristianisme.
• Missionari.

Bibliografia

• (en) Darius Baronas, « St Bruno of Querfurt: the missionary vocation », Lithuanian Historical Studies, 2009, t. 14, pp. 41-42.