Brassens
Lo Brassens [bʁa.sɛ̃ŋs] es un parçan de las Lanas. Es constitutiu de la Lana Grana, qu'ocupa la partida centrala de las Lanas de Gasconha.
Geografia modificar
Lo Brassens englòba lo territòri de las comunas de Arangòssa, d'Arjusan e de Morcens[1]. Sa capitala istorica es Arjuzan e sa vila principala es uèi Morcens. Aquel parçan[1] es lo junhent entre la Lana Gran, dont es constitutiu, e los païses d'Ador landés. Lo son sòl se compausa d'argèlas e sables terciaris.
Etimologia modificar
Nom d'òme gallo-roman : Braccius + sufix prat-celtic -incum.
Istòria modificar
Lo Brassens es una anciana baronia. Pendent l'union anglo-gascona, Arjuzan ne ven la capitala. Lo rei Edoard III publica en 1338 los sons fors e costumas del Brassens.
Fins al mitan del sègle XIX, l'economia del Brassens repausa sul sistèma agro-pastoral dins las Lanas de Gasconha. La lei del 19 de junh de 1857, volguda per Napoleon III, entrena l'assaniment e la mesa en valor del territòri. Autre factor de desvolopament e de désenclavament, lo traçat de la linha internacionala de tren que religa nt Bordèu al País Basc travèrsa lo Brassens. La gara de Morcens es bastida en defòra del borg e lo barri de Morcens-gara es aital creat, ex nihilo, segon un plan ortogonal, aperaquí a la meteissa epòca que la creacion del domeni imperial de Solferino. En fin, en 1958 comença l'explotacion d'una mina de lignita sul sit de Arjuzan qu'alimenta una centrala termica de l'EDF. Tot aquels factors de desvolopament s'escantiràn un a un: lo gemmatge pren fin dins las Lanas en 1990, la centrala EDF es desmantelada en 1992 e los TGV travèrsan generalament la gara sens s'i parar.[1]
Nòtas e referéncias modificar
<referéncies>
Vejatz tanben modificar
- ↑ 1,0 1,1 et 1,2 {{{títol}}}. ISBN 978-2-87901-958-1. Error de citacion : Etiqueta
<ref>no vàlida; el nom «Fénié» està definit diverses vegades amb contingut diferent.