Bhimrao Ramji Ambedkar

Foncions
Bhimrao Ramji Ambedkar
Bhimrao Ramji Ambedkar
Ministre de la justícia d'Índia
15 d’agost de 1947 – setembre de 1951
Redactor de la Constitucion
Ministre de trabalh
Biografia
Nom de naissença	भीमराव रामजी आंबेडकर
Data de naissença	14 d’abril de 1891
Luòc de naissença	Dr. Ambedkar Nagar (Mhow), Madhya Pradesh, Índia
Origina	dalit
Data de decès	6 de decembre de 1956
Luòc de decès	Delhi, Índia
Paire	Ramji Maloji Sakpal
Conjunt	Ramabai Ambedkar Savita Ambedkar
Profession	Economista, òme politic, assagista, avocat, jurista, sociològ, antropològ, pedagòg, editor, escrivan, filosòf, reformator social, jornalista, revolucionari, professor, politològ, erudit, orator, combatent per l'independéncia, istorian, Constitutionalista, militant dels drechs civics, umanitaris
Religion	indó de Naissença convertit al bodisme
modificar

Bhimrao Ramji Ambedkar (en marāṭhī :भीमराव रामजी आंबेडकर) (nascut lo 14 d’abril de 1891 a Mhow (en) en Mad e mòrt lo 6 de decembre de 1956 a Delhi), chafrat Babasaheb Ambedkar, es un jurista e òme politic indian. Es lo principal redactor de la constitucion de l'Índia, un líder dels intocables^[1], e un iniciator del novelum bodista en Índia, cercant a passar lo sistèma de las ca

Biografia

Enfança e estudis

Ambedkar Nasquèt a Mhow (en) (Estat del Madhya Pradesh) lo 14 d’abril de 1891. Es originari del grop dels intocaables mahars que donèt son nom a l'Estat del Maharashtra. Lo mahârâja de Baroda (Vadodara) remarca son esperit lusent e paga sos estudis. Intègra alara lo Elfinstone College a Bombai en 1912, puèi obten un doctorat d'economia a la Columbia University, als EUA. Dintra enseguida a la London School of Economics e ven avocat, membre de la Gray's Inn de Londres.

Lo retorn en Índia

Mas, de retorn en Índia, es de nòu confrontat a la discriminacion e a l'umiliacion de las personas de las nautas castas. Es en desacòrdi amb Gandhi sus la question d'una assemblada separada pels Dalits e sul principi d'una lei electorala de discriminacion positiva los favorisant. Per far valer los drechs dels dalits, lança de movements de desobedissença civila, consistissent per exemple de permetre als dalits de dintrar dins de temples o beure d’aiga a las fonts, çò qui lor èra interdit Que d’indós considèran que los intocables damtjan l'aiga e polluisson los temples.

Lo pacte de Pune

Bhimrao Ramji Ambedkar pendent un discors

A causa de la preminéncia d'Ambedkar al sen de la comunautat dalita, e de sosten que li portava aquesta, foguèt invitat a la segonda Round Table Conference, a Londres, en 1932. Gandhi s'i opausa a fòrça a l'idèa, per las eleccions parlamentàrias, d'un electorat separat pels intocables, disant que crentava qu'un tal arrenjament trenque la comunautat indoa en dos^[2].

En 1932, quand los Britanics se metèron d'acòrdi amb Ambedkar e anoncèran la relizacion d'un electorat separat, Gandhi protesta en junant, alara qu’èran emprisonat a la prison centrala de Yerwada, a Pune. Lo june provoquèt de reaccions afogadas dins tota l'Índia e de líders, politicians e activistas indós ortòdoxes coma Madan Mohan Malaviya e Palwankar Baloo (en) organisèran d’encontres amb Ambedkar e sos sostens a Yerwada. Crentant de represalhas collectivas e d’actes de violéncia contra los dalits, Ambedkar fogèt forçat de signar un acòrdi amb Gandhi. Aqueste acòrdi, qu’abotís a la fin del june de Gandhi e a l'abandon per Ambedkar de son exigéncia d'un electorat separat, foguèt nomenat lp Pacte de Pune (en). Puslèu qu’un electorat separat, l'acòrdi abotís a l'atribucion d'un cèrt nombre de sètis reservas als dalits (que, dons l'acòrdi, formavan çò que se nomenava la Depressed Class)^[3].

Redaccion de la Constitucion

En 1947, Nehru lo nomena Ministre de la Justícia dins lo primièr govèrn de l'Índia independanta e l’encarga de redigir la constitucion del país. I inclutz la prohibicion de totas formas de discriminacion, qui siá contra los intocables fòra castas, las femnas, e la libertat de religion. Lança de mesuras destinadas a melhorar la condicion sociala de las femnas e instaura un sistèma destinat a permetre a las personas de las classas bassas de far d’estudis e de trobar un trabalh en rapòrt amb lors qualificacions.

Conversion al bodisme

Es convencut que l'intocabilitat, essent ligada al sistèma de las castas, es consubstenciala a l'indoïsme. Aqueste fach, e l’omnipreséncia de l’indoïsme dins la vida indiana, explican per Ambedkar l'escac de sas apròches socials e politics del cambiament de la situacion dels Dalits. A une conferéncia a Yeola (en) en 1935, declara que morirà pas indó, e que l’indoïsme fa contunhar las injustícias de casta.

Après un estudi de las grandas religions del mond (e tanben del marxisme), ven convencut que la conversion dels Dalits al bodisme es la solution melhora, melhora solucion possibla fòra de l'indoïsme. Lo 14 d’octobre de 1956, pauc avant sa mòrt, organiza la primièra conversion en massa de sos companhs fòra casta: en preséncia d’unes 380 000 intocables amassats a Nagpur, se convertís en prenent de Bhadant U Chandramani, un dels mai ancians dels monges bodistas en Índia e l'epòca, los Tres Refugis e los Cinc Precèptes. Puèi, los administra als intocables presents, los convertissent al bodisme - fach marcant dins l'istòria del bodisme en Índia, lo bodisme avent gaireeben desparegut del soscontinent indian al començament del sègle XIII. Apond als Refugis e als Precèptes una seria de 22 vòts d’esperel redigits.

Babasaheb Ambedkar amb lo 14n dalaï-lama a Ashoka Buddha Vihar a Delhi

Lo 2 de decembre, assistís a la recepcion al Ashoka Buddha Vihar a Delhi del 14n dalaï-lama vengut en Índia per celebrar lo 2500n Bouddha Jayanti^[4].

Los 22 vòts d’Ambedkar

Pendent la conversion dels intocables presents, Ambedkar apond, a la presa dels Refugis e dels Precèptes, 22 vòts que d’esperel redigiguèt. Son d’instruccions practicas destinadas d'un costat a iniciar pels convertits una reala practica bodica, e d'autra a evitar que fagan pas d’amalgama entre lo bodisme e l’indoïsme, çò que fan los indós. Aquestes 22 vòts son los seguents (cal notar que los vòts n° 13 a 17 correspondon als cinc precèptes bodics, lo primièr sota sa forma positiva, los quatre autres sota lor fòrma negativa):

Inscripcion dels 22 vòts a Deekshabhoomi (luòc de la conversion), a Nagpur.

Aurai pas de fe en Brama, Vishnó e Maheshwara, e los venerarai pas.
Aurai pas de fe en Rama e en Krishna, que son considerats coma d’incarnacions de Dieu, e los venrarai pas.
Aurai pas de fe en Gauri, Ganapati e autres dieus e divesa dels indós, e lo venerarai pas.
Cresi pas a l’incarnacion de Dieu.
Cresi pas e creirai pas que lo Senhor Boda èra l’incarnacion de Vishnó. Cresi qu’aquó es simple baujum e falsa propaganda.
Ferai pas de Śrāddha (en) (ritual fach als aujòls), e donarai pas de pind-dan (ofrenda indoa).
Agirai pas d’una biais violent los principis e l’ensenhament del Boda.
Permetrai pas que de ceremonias sián menadas per de bramans.
Creirai en l’egalitat dels òmes.
M’esforçarai d’establir l’egalitat.
Seguirai lo Nòble Camin octuple del boda.
Seguirai las detz paramitas prescrichas pel Boda.
Aurai de compassion e de benvolença per totes los èssers vivents, e los apararai.
Panarai pas.
Mentirai pas.
Cometrai pas de pecar de carn.
Prendrai pas d’intoxicants coma l’alcòl, la drògas, etc.
M’esforçarai de seguit lo Nòble Camin octuple e de practicar la compassion e la benvolença dins la vida videnta.
Renoçarai a l’indouisme, que desfavoriza l’umanitat e qu’empacha l’avançada e lo desvolopament de l’umanitat, qu’es basat sus l’inegalitat, e adopti lo bodisme coma religion.
Cresi fermament que lo Shama^[5] del Boda es la sola religion.
Considèri que tonèri nàicer.
Declari solemne e j’afirmi que dempèi ara menarai ma vida seron los ensenhaments del Dhamma del Boda.

Difusion de la pensada d'Ambedkar

Celebracion de la conversion de massa del 14 d’octobre de 1956, a Deekshabhoomi en octobre de 2012.

La filosofia politica d'Ambedkar faguèt naícer un grand nombre de partits politics, de sindicats e de publicacions dalitas, que son sempre actius uèi, subretot al Maharashtra.

Lo movement de conversion al bodisme iniciat per Ambedkar lo jorn de sa conversion contunha fins ara; tocant a l'origina los sols Dalits del Maharashtra, s’espandís uèi lo nombre de personas de bassa casta, dins un nombre grandissent d'Estats de l'Índia. La promocion del movement bodiste dalit es donc a l'origina d'un reviudament d'interés pel bodisme dins fòrça partidas de l'Índia; mai, aqueste desvelopament del bodisme es sempre mai fòra d'Índia^[6].

A la fin de las annadas 1990, de Roms ongreses vegèron de parallels entre la lor situacion e aquesta dels Dalits en Índia, e comencèron avse convertir al bodisme, inspirats per l'apròche d'Ambedkar^[7].

Lo celèbre cantaire carnatic indian T._M._Krishna explica las rasons que lo mèron mené a èsser un adèpte del bodisme.

Escrichs e discors

Lo Ministèri de l'Educacion del Maharashtra publiquèt la colleccion dels escrits et discors de "Dr. Babasaheb Ambedkar: Writing and Speeches" en diferents volums^[8].

Volum n°	Descripcion
vol. 1.	Las castas en Índia, L'anihilacion de las castas^[9] e 10 autres assags
vol. 2.	Dr Ambedkar dins la legislatura de Bombai, amb la Commission Simon e a las conferéncias de la taula redonda, 1927-1939
vol. 3.	La filosofia de l'indoïsme ; L'Índia e las condicions prealablas del comunisme ; Revolucion evcontra revolucion ; Lo Bodha o Karl Marx
vol. 4.	Enigmeas de l'indoïsme
vol. 5.	Assag suls intocables e l'intocabilitat
vol. 6.	L'evolucion de la finança provinciala dins l'Índia britanica
vol. 7.	Quin èran los shudras ? ; Los intocables
vol. 8.	Lo Paquistan o la particion de l'Índia
vol. 9.	Çò que l Partit del Congrès e Gandhi faguèron als intocables ; Sr. Gandhi e l'emancipacion dels intocables
vol. 10.	Dr. Ambedkar coma membre del Conselh executiu del Governaire General, 1942-46
vol. 11.	Lo Boda e son Dhamma
vol. 12.	Escrichs inedits ; Lo comèrci dins l'Índia anciana ; Nòtas sus de leis ; En esperant un visa ; Nòtas divèrsas, etc.
vol. 13.	Dr. Ambedkar coma arquitècte principal de la Constitucion de l'Índia
vol. 14.	(2 partidas) Dr. Ambedkar coma primièr Ministre de la Justícia de l'Índia liura e coma membre de l'oposicion al Parlament Indian (1947-1956)
vol. 16.	Gramatica del Pali
vol. 17	(3 partidas) Dr. Babasaheb Ambedkar e sa revolucion egalitària
vol. 18	(3 partidas) Ḍô. Bābāsāheba Āmbēdakara lekhana āṇi bhāshaṇe (discors e escrits del Dr. Babasaheb Ambedkar en marathi)
vol. 19	Discors e escrits del Dr. Babasaheb Ambedkar en marathi
vol. 20	Discors e escrits del Dr. Babasaheb Ambedkar en marathi
vol. 21	Fotografia e correspondéncia del Dr. Babasaheb Ambedkar

Bibliografia

Christophe Jaffrelot, Dr Ambedkar - Leader intouchable et père de la Constitution indienne, Sciences Po, 2000, ISBN: 2-7246-0800-3
(en) Sangharakshita, Ambedkar and Buddhism, Windhorse Publications 1986, ISBN: 0-904766-28-4, agotat mas disponible en linha sul site de l'autor : https://web.archive.org/web/20150924094012/http://www.sangharakshita.org/_books/Ambedkar_and_Buddhism.pdf

Narendra Jadhav : Intouchable. Une famille de parias dans l'Inde contemporaine, éditions Hachette littératures, 2002, ISBN: 978-2-01-279262-3. Histoire romancée d'une famille d'intouchables, de 1920 à 2000, ayant vécu l'élan moderniste du Dr Babasaheb Ambedkar.

Vejats tanben

Daya Pawar [1]"Ma Vie d'Intouchable". Poète populaire, ses poèmes sont chantés un peu partout en Inde. Son autobiographie est un témoignage permettant de découvrir de l'intérieur le monde des intouchables. Bien étranger à notre cartésianisme, le récit de Daya Pawar montre une autre logique sociale et un autre comportement individuel, où la discrimination est légitimée.

Nòtas e Referéncias

↑ Dalits, Intocables, Harijans, Scheduled Castes e Depressed Classes son de tèrmes equivalents: « Intocables » es lo tèrme tradicional, « Dalits » foguèt popularizat per Ambedkar, « Harijans » per Gandhi, « Scheduled Caste » es lo tèrme oficial utilizat pel govèrn indian, « Depressed Classes » èra lo tèrme utilizat pel govèrn de l’Índia britanica fins a 1935. « Dalits » es uèi lo tèrme preferit en Índia fòra dels contèxtes oficials ont « Scheduled Castes » preval.
↑ (en) Round Table Conference 1930–1932.
↑ (en) Gandhi's Epic Fast.
↑ Mahesh Ambedkar, The Architect of Modern India Dr Bhimrao Ambedkar, p. 147
↑ Ambedkar – et à sa suite les dalits convertis au bouddhisme – utilise toujours le terme pâli Dhamma en non le terme sanskrit Dharma, car ce dernier réfère, dans les langues indiennes actuelles, à ce que les hindous de caste considèrent comme étant les devoirs des dalits liés à leur condition d'intouchable.
↑ Voir par exemple :
↑ (en) Ambedkar in Hungary 22 avril 2013.
↑ (en) Dr.Babasheb Ambedkar, Écrits et discours.
↑ Publicat de biais independent en 2014 amb The Doctor and the Saint, longa introduccion de l'essagista e romancièra indiana Arundhati Roy ; Annihilation of Caste, Verso, Londres et New-York.

Annèxes

Articles connèxes

Liens externes

(en) ambedkar.org
(en) Film sus la vida del Dr. Babasaheb Ambedkar
Œbras de Bhimrao Ramji Ambedkar (domèni public al Canadà)

[1] Dalits, Intocables, Harijans, Scheduled Castes e Depressed Classes son de tèrmes equivalents: « Intocables » es lo tèrme tradicional, « Dalits » foguèt popularizat per Ambedkar, « Harijans » per Gandhi, « Scheduled Caste » es lo tèrme oficial utilizat pel govèrn indian, « Depressed Classes » èra lo tèrme utilizat pel govèrn de l’Índia britanica fins a 1935. « Dalits » es uèi lo tèrme preferit en Índia fòra dels contèxtes oficials ont « Scheduled Castes » preval.

[2] (en) Round Table Conference 1930–1932.

[3] (en) Gandhi's Epic Fast.

[4] Mahesh Ambedkar, The Architect of Modern India Dr Bhimrao Ambedkar, p. 147

[5] Ambedkar – et à sa suite les dalits convertis au bouddhisme – utilise toujours le terme pâli Dhamma en non le terme sanskrit Dharma, car ce dernier réfère, dans les langues indiennes actuelles, à ce que les hindous de caste considèrent comme étant les devoirs des dalits liés à leur condition d'intouchable.

[6] Voir par exemple :

[7] (en) Ambedkar in Hungary 22 avril 2013.

[8] (en) Dr.Babasheb Ambedkar, Écrits et discours.

[9] Publicat de biais independent en 2014 amb The Doctor and the Saint, longa introduccion de l'essagista e romancièra indiana Arundhati Roy ; Annihilation of Caste, Verso, Londres et New-York.

[1]

[2]

[3]

[4]

[5]

[6]

[7]

[8]

[9]