Bauma de Rofinhac
La bauma de Rofinhac o bauma dau Cròs de Granville o bauma de Miramont conten mai de 250 gravaduras e trachs dau Paleolitic Superior (Magdalenian, fai mai de 13 000 ans). Se dubrís au còr de Perigòrd, entre Brageirac e Sarlat, dins lo departament de Dordonha.
Istoric modificar
Coneguda dempuei mantun segle, l'escrivan comengés Francés de Belleforest ne faguet 'na descripcion en 1575. En 1956, l'òm admetet definitivament la preséncia de pinturas e de gravaduras paleoliticas. Dempuei 1979, fai partida dau Patrimòni Mondiau de l'Umanitat de l'UNESCO, en associacion emb d'autres sites e baumas ornadas de Perigòrd sos lo nom de «sites preïstorics e baumas ornadas de la vau de Vesera». Es tanben «monument istoric».
Descripcion modificar
Dempuei 1959 es duberta au torisme. Emb mai de 8 km, es 'na de las baumas ornadas mai grandas d'Euròpa. La visita, en chamin de fèrre electric, percorrís 4 km au totau dins las galariás principalas. Las recerchas permeteren d'identificar de las arpas e de las zonas de voludament daus ors de las cavernas[1] avans l'intervencion umana. Fai aperaquí 13 000 ans, l'òme dessenhet 158 mamots associats a daus rinoceros lanós, daus bisonts, daus chavaus e daus boquetins dins 'quelas galariás. Las figuras son prigondament gravadas o pintadas en negre. Presenta tanben 4 figuracions umanas e daus signes tectifòrmes.
Nòtas modificar
- ↑ Zona arredondida chava dins lo sòu argilós de las baumas que permet aus ors de s'i arrucar dins l'ivern per dire de manténer 'na temperatura equilibrada.
Liams externes modificar
- Bauma de Rofinhac
- Presentacion de la bauma de Rofinhac dins lo site dau Pòl Internacionau de la Preïstòria
