Batalha de la Linha Gotica
La batalha de la Linha Gotica se debanèt dins lo corrent de la Segonda Guèrra Mondiala dau 28 d'aost au 17 de decembre de 1944. Designa una tiera de combats centrats sus la linha defensiva alemanda dicha Linha Gotica destinada a protegir lo nòrd d'Itàlia. Formadas de fortificacions bastidas dins lei regions montanhósas dau nòrd de la peninsula, lei defensas alemandas resistèron amb acarnament. Una partida foguèt rompudas per lei Britanics pendent l'autona mai lo rèsta contunièt de resistir fins a la fin de l'annada. Pasmens, lei condicions climaticas ivernencas empachèron leis Aliats d'esplechar sa victòria e lei fòrças alemandas gardèron lo contraròtle dau nòrd d'Itàlia fins a l'ofensiva de la Prima de 1945 en Itàlia.
