Batalha de Shanggao
La batalha de Shanggao se debanèt dins lo corrent de la Segonda Guèrra Mondiala dau 14 de març au 9 d'abriu de 1941. Foguèt la consequéncia d'una tiera d'ofensivas de l'armada imperiala japonesa (65 000 òmes) còntra lei posicions chinesas (100 000 òmes) dins lei províncias de Henan, de Jiangxi e lòng dau Fluvi Blau. La vila de Changsha èra tanben un objectiu possible de l'ofensiva. Lei Japonés organizèron tres ofensivas simultanèas qu'obliguèron lei Chinés de recular. Pasmens, lei tropas nacionalistas capitèron de copar lei linhas d'avitalhament de l'armada imperiala. Infligiguèron pereu de pèrdas importantas ai renfòrç mandats dins la region per assaiar de tornar prendre lo contraròtle dei rotas entraïnant la revirada de l'ofensiva.
Lei Chinés perdiguèron aperaquí 20 000 òmes pendent la batalha còntra 16 000 per lei Japonés.