Batalha de Ponte Novu

Batalha de Ponte Novu
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Vestigis actuaus dau pònt de Ponte Novu.
Informacions generalas
Data	8-9 de mai de 1769.
Luòc	Ponte Novu.
Cambiaments territorials	Disparicion de la Republica de Corsega. Presa de contraròtle de Corsega per la corona francesa.
Eissida	Victòria francesa.
Belligerants
Republica de Corsega.	França.
Comandants
Pasquale Paoli.	Noël de Jourda.
Fòrças en preséncia
1 250-2 500 òmes.	5 000 òmes.
Pèrdas
500-1 000 tuats.	400-800 tuats.

La batalha de Ponte Novu se debanèt lei 8 e 9 de mai de 1769. Marquèt la fin de la conquista francesa de Corsega e la desfacha finala de la Republica de Corsega dirigida per Pasquale Paoli.

Lo racònte dau debanament de la batalha es mau conegut en causa de l'existéncia d'unei versions relativament diferentas mai l'afrontament foguèt saunós per lei doas armadas que perdiguèron de centenaus d'òmes. Pasmens, au contrari de l'armada francesa que podiá remplaçar aisament aquelei pèrdas, l'armada còrsa foguèt totalament anientada e poguèt plus empachar lei Francés de conquistar Corte qu'èra la basa principala de Paoli. Aquela conquista entraïnèt l'afondrament definitiu de la Republica e Pasquale Paoli deguèt s'exilar en Anglatèrra. Dins lo corrent dei mes seguents lo combat, una tièra d'anobliments permetèt a Loís XV de contentar l'aristocracia de l'illa, compres lei partisans de Paoli.