Batalha de Malàisia
La batalha de Malàisia se debanèt dins lo corrent de la Segonda Guèrra Mondiala dau 8 de decembre de 1941 au 31 de genier de 1942. Foguèt la consequéncia d'una ofensiva japonesa còntra la Malàisia Britanica. Maugrat sa superioritat numerica (140 000 òmes còntra 70 000), lei tropas britanicas mancavan de preparacion e d'armaments. Foguèron ansin rapidament vencudas e obligadas de se retirar en direccion de Singapor après la pèrda d'aperaquí 50 000 òmes (5 500 tuats, 5 000 bleçats e 40 000 presoniers). De mai, la flòta britanica perdiguèt dos naviris importants (HMS Prince of Wales e lo HMS Repulse) lo 10 de decembre aprefondats per l'aviacion japonesa tre lo 10 de decembre. En comparason, lei pèrdas japonesas foguèron fòrça feblas (1 793 tuats e 3 378 bleçats).
