Bandièra LGBT
La bandièra LGBT, tanben sonada bandièra de l'arc de Sant Martin, foguèt utilizada coma simbòl de l'ufan gai e lesbian de las annadas 1970. Las diferentas colors simbolizan la diversitat de la comunitat LGBT e sas colors son utilizadas sovent dins las marchas del jorn de l'ufan LGBT. Nasquèt als Estats Units d'America, e ara es utilizada dins lo monde entièr.
La bandièra de l'arc de Sant Martin foguèt popularizada coma simbòl de l'ufan gay per l'artista de San Francisco Gilbert Baker, en 1978. Ara es de sièis bendas de color : roge, irange, jaune, verd, blau e violet. La bandièra seguís l'òrdre de las colors de l'Arc de Sant Martin.
Ara, fòrça gais e defensors dels dreches dels omosexuals, per tot lo monde, utilizan la bandièra dins las manifestacions, a la pòrta en çò lor. Es un simbòl exterior de supòrt al movement LGBT.
Istòria
modificar
Bandièra LGBT actuala
De sièis bendas (dempuèi 1979)
De sèt bendas (1978–1979)
De uèit bendas (1978)
Dins los primièrs ans de 1970 als Estats Units d'America i aviá de bandièras similaras utilizadas coma simbòl d'unitat internacionala, mas a la fin d'aquela decenia, la relacion populara d'aquels colors amb el movement gai comencèt de dominar.
La bandiera originala foguèt dessenhada per Gilbert Baker. S'exibiguèt pel primièr còp dins lo Festival de l'ufan de San Francisco, lo 25 de junh de 1978. Consistissiá en uèit colors, caduna amb sa significacion:
- Ròsa: sexualitat
- Roge: vida
- Irange: salut, garison
- Jaune: lutz del Sol
- Verd: natura
- Turquesa: magia
- Blau: serenitat
- Violet: esperit
Aprèp lo 27 de novembre de 1978, per la San Francisco City Supervisor Harvey Milk, la demanda de la bandièra d'arc de Sant Martin aumentèt. Per satisfar la demanda, la Paramount Flag Company comencèt de vendre una nòva version de la bandièra, amb sèt colors, sens lo ròse. Baker aderiguèt a la nòva bandièra a causa del manca de disponibilitat sul mercat de la color ròsa.
En 1979 la bandièra foguèt tornarmai modificada a San Francisco. Per de rasons practicas se simplifiquèt encara lo dessenh per arribar a la bandièra actuala de sièis bendas.
Pendent los ans 1980 la bandièra aumentèt sa popularitat al nivèl nacional als Estats Units d'America, e mai tard apareguèt al nivèl internacional.
Lo 14 de junh de 2004, qualques activistas gais anèron dins unas illas australianas desabitadas dins la Mar del Coralh e issèron la bandièra gai, proclamant aquel territòri liure d'Austràlia.
Vejatz tanben
modificar| Sus d'autres projècte de Wikimedia: | |
 |
Commons (Galariá) |
| |
Commons (Categoria)  Modèl:Commonscat/categories
|