Bana d'Ordancha
La bana d'Ordancha o tuc de Basi[1] es un som d'origina volcanica situat dins los monts Dòr, en Auvèrnhe, dins lo departament de Puèi de Doma.
  | |
| Tipe | Montanha e volcan |
|---|---|
| Localizacion | |
| Estat | França |
| Serrada | Monts Dòr |
 | |
| Donadas | |
| Altitud | 1 512 m |
| Material | traquiandesita |
| Istòria | |
| Edat | 2 milions d'ans |
| Erupcion | Desconeguda |
Culmina a una altitud de 1 512 m[2] e susplomba la vila de La Borbola. De bon accedir dempuèi lo còl de Gueri, s'i tròba una supèrba vista panoramica a 360° (taula d'orientacion a la cima) sus los Monts Domas, lo puèi de Sant Circ mas tanben los Mmonts de Cantal. A la fin de la montada, un escalièr de fusta facilita la progression dels caminaires e dels passejaires.
Etimologia
modificarBana significa «còrna» per l'aspècte de la montanha.[3]
Geologia
modificarLa Bana d'Ordancha es una cima d'origina volcanica qu'aparten a l'ensemble Monts Dòr–Sant Circ eissit d'una erupcion de traquiandesita. Es un volcan de tip estrombolian aparegut i a mai o mens 2 milions d'ans e, dempuèi sa formacion, patís una intensa erosion causada per l'escolament, lo vent e sustot la gelifraccion. Los tèrmes d'esbudèls sul flanc sud datan de la fin de la glaciacion de Würm.
La Bana d'Ordancha a donat tanben lo nom a una ròcha magmatica volcanica, l'ordanchita, varietat de traquiandesita que fai partida de las tefritas.
Aviacion
modificarLa cresta que va del puèi Lop a la bana d'Ordancha (sus un ais nòrd-èst al sud-oèst) constituïssiá un aerodròm istoric del vòl de vela.
Sas coordenadas son 45° 37′ 00″ N, 2° 47′ 00″ E a mi-pista e son altitud 1 460 m.[4]
Nòtas e referéncias
modificar- ↑ Bonaud, Piare. Grammaire générale de l'auvergnat à l'usage des avernisants. Chamalièras: Cercle Tèrra d'Auvèrnha (Eubransa/Traveaux). «Tieu de Basi»
- ↑ Forst, Bettina (2006). Auvergne : avec le Massif Central et la Vallée du Lot ; 50 randonnées sélectionnées au pays des volcans ; des Monts Dôme et des Monts Dore en passant par les Monts du Cantal jusqu'aux hauts plateaux de la Margeride et du Massif de l'Aubrac et au charmant cours de la rivière du Lot. Bergverlag Rother, p. 50. ISBN 9783763349319.
- ↑ (1984) Manufacture française des pneus Michelin. Guide de Tourisme Michelin Auvergne. Aulnay-sous-Bois: Michelin et Cie, Propriétaires Éditeurs. ISBN 2-06-003032-3.
- ↑ «Institut Geografic Nacional (IGN)». www.geoportail.fr.