Lo baaïsme o fe bahá'í (transliteracion internacionala preconizada) es una religion abraamica originària d’Iran. Foguèt fondada lo 1863 per Bahà'u'llàh e a agut demèst sos promotors mai coneguts de figuras del pacifisme e de l'umanisme, coma Lidia Zamenhof, la filha del creador de la lenga auxiliar internacional esperanto. A l'ora d'ara la fe bahà'í es seguida per mai de 7 milions de personas dins tot lo mond. Los bahà'ís sostenon que totas las religions provenon del meteis Dieu e qu'an aparegut amb lo messatge de Dieu per l'umanitat a mesura qu'aquela a agut capacitat per lo recebre. Lo Bàb (en arab: la Pòrta) proclamèt èsser l'Enviat de Dieu per la siá epòca l'an 1844 e que preparava l'umanitat entièra per l'arribada d'una nòva manifestacion de Dieu: Bahà'u'llàh.

Santuari del Bàb al Centre Mondial Bahà'í, al mont Carmel, a Haifa, Israèl