Béatrice Négrier

Béatrice Simone Jeannine Négrier, nascuda Bouzols (Marselha, 5 de decembre de 1958) es una politiciana francesa d'Occitània. Es actualament, dempuèi 2014, cònsol de Plaissan (País de Lodeva) e foguèt Vicepresidenta a l'Emplec, la Formacion e l'Aprendissatge de la Region Occitanie fins al 24 d'agost de 2016.

Acusada d'abús de fisança aprèp aver desvirat la soma de 356.415 èuros (entre lo 15 de julh de 2010 e lo 30 de junh de 2011) en benefici personal, foguèt condemnada pel tribunal correccional de Montpelhièr lo 24 de mai de 2016 sonque a una pena leugièra de 4.000 èuros (manca 20% se la multa es pagada dins lo mes) sens cap d'inscripcion al casièr judiciari malgrat la gravetat dels faches.

Se vegèt obligada per la presidenta de la Region, Carole Delga, a demissionar lo 24 d'agost de 2016.