Arthur Kornberg

Arthur Kornberg (n. 3 de març de 1918 a Nòva York - m. 26 d'octobre de 2007 a Stanford) foguèt un bioquimista, mètge e cercaire american. Recebèt lo Prèmi Nobel de Fisiologia o Medecina en 1959, amb Severo Ochoa, per son trabalh sus la sintèsi de l'ADN.

Arthur Kornberg
Naissença	3 de març de 1918 Nòva York, Estats Units
Mòrt	26 d'octobre de 2007 Palo Alto, Califòrnia, Estats Units
País d'origina	Estats Units
Distincions	Prèmi Nobel de Fisiologia o Medecina en 1959

Biografia

Nasquèt lo 1918 dins la vila de Nòva York en una familha d'immigrantas de Galítzia. Estudièt de sciéncias al City College de Nòva York e posteriorament medecina a l'Universitat de Rochester, ont se doctorèt l'an 1941. Après trabalhar pendent dètz ans al Servici de Salut Publica dels Estats Units, l'an 1953 foguèt nomenat cap del Departament de Microbiologia de l'Universitat Washington de Saint Louis, e lo 1959 foguèt nomenat cap del Departament de Bioquimia de l'Universitat de Stanford a Califòrnia. En aquel departament trabalhèt tanben coma professor emerit dempuèi l'an 1988, que se retirèt. Moriguèt a Stanford lo 2007.