Ann Makosinski
Ann Makosinski (Victoria, Canadà, 3 d'octobre de 1997) es una adolescenta canadiana que venguèt famosa mondialament en setembre de 2013 per sa creacion d'una lampa alimentada gràcias a la calor umana (l'objècte es sonat en anglés: hollow flashlight). Son invencion ganhèt la medalha d'aur a la National Science Fair de Lethbridge e es estada seleccionada per participar a la finala de la Google Science Fair de 2013 que se debanarà a Mountain View (Califòrnia), lo 23 de setembre de 2013. Anteriorament aviá ja fach divèrses projèctes ligats a la produccion d'energia a partir de la calor coma alimentar una ràdio a partir de la calor d'una candela qu'aviá presentat a la Fièra de la Sciéncia de l'isla de Vancouver e en 2012 una lampa que foncionava gràcias a la piezoelectricitat.