Alienòr de Provença

Alienòr de Provença (1223, Ais de Provença – 26 de junh de 1291, Amesbury), filha de Raimon Berenguier V, comte de Provença, e de Beatritz de Savòia.

Alienòr de Provença

Èra la sòrre de Margarida de Provença (reina de França e molhèr de Loís IX de França), de Sança de Provença (reina dels Romans e molhèr de Ricard de Cornoalha), e de Beatritz de Provença (reina de Sicília e molhèr de Carles d'Anjau-Sicília).

Venguèt famosa per sa pietat, e es coneguda jol nom de Santa Alienòr, e mai que foguèsse solament beatificada e pas canonizada. Après la mòrt de son espós en 1272, en seguida d'aquestas de son felen Enric, e de sas filhas Margarida e Beatritz, se retirèt dins l'abadiá benedictina d'Amesbury en 1276, ont moriguèt en 1291.

Familha e descendéncia

Esposèt Enric III Plantagenèst, rei d'Anglatèrra, a Canterbury lo 14 de genièr de 1236, e aguèt per descendents:

• Edoard I^èr d'Anglatèrra (1239 – 1307);
• Margarida d'Anglatèrra (1240 – 1275), que en 1251 esposèt Alexandre III, rei d'Escòcia;
• Beatritz d'Anglatèrra († 1275) qu'esposèt Joan II de Bretanha, duc de Bretanha ;
• Edmond de Lancastre, 1^er comte de Lancastre (1245 – 1296), que en 1276, esposèt Blanca d'Artois.

Fonts

• Aqueste article compren d'extraches traduches del Diccionari Bouillet. Es possible de suprimir aquesta indicacion, se lo tèxte reflècta lo saber actual sus aquel tèma, se las fonts son citadas, se satisfà a las exigéncias lingüisticas actualas e se conten pas de prepauses que van contra de règlas de neutralitat de Wikipèdia.