Dobrir lo menú principal

Alemanha de l'Oèst

L'Alemanha de l'Oèst (en alemand Westdeutschland) èra lo nom d'usatge que si donava a la Republica Federala d'Alemanha, que sovent s'abrèuja en RFA (en alemand Bundesrepublik Deutschland o BRD, de còups traduch a tòrt per "Republica Federala Alemanda"), que correspondiá entre 1949 e 1990 en la partida occidentala d'Alemanha. Installèron la capitala politica de l'Estat a Bonn, sus lei ribas de Ren, pendent que lo sector de Berlin Oèst de l'anciana capitala dau Reich beneficiava d'un estatut politic especiau mai si podiá considerar de facto coma partida de l'Alemanha de l'Oèst, especialament a prepaus de la circulacion dei personas.

La denominacion "Alemanha de l'Oèst" permetiá de la destriar de la partida ourientala dau país que li dién ouficialament Republica Democratica Alemanda, que s'abrèuja en "RDA" (en alemand Deutsche Demokratische Republik o DDR), o d'un biais informau "Alemanha de l'Èst".

L'Alemanha actuala naissuda de la reünificacion de 1990 es de jure lo resultat de l'absorpcion dei territòris de l'Alemanha de l'Èst per l'Alemanha de l'Oèst. Donc si basa sus la mema constitucion que l'RFA d'avans 1990, poarta lo meme nom e adoptèt lei memes emblèmas.