Albinisme

L'albinisme (dau latin albus que significa "blanc") es una malautiá genetica pertocant lei mamifèrs, leis aucèus, lei peis, leis amfibians e lei reptils. Se caracteriza per un deficit de produccion de melanina. Entraïna generalament una demenicion de la pigmentacion, mai pòu anar fins a la disparicion complèta de l'iris o dei teguments (pèu, pluma...).

Persona afectada per un albinisme total

Lei personas afectadas per la malautiá an una vision deficienta e se veson facilament tocadas per de queratòsis e de cancèrs de la pèu se son pas protegidas dau soleu.

Epidemiologia

Lo famós gorilla albin del zòo de Barcelona, Floquet de Neu, en 2003

L’albinisme es una afeccion universala que son incidéncia mondiala, totei formas confondudas, es d'aperaquí 1 cas cada 20.000 naissenças (0,005 %). La forma 2 de l'albinisme oculo-cutanèu es la mai espandida mondialament.

La prevaléncia de l'albinisme es mai importanta dins cèrtei populacions, subretot en Africa e en America dau Sud:

• 3,5 % en co dei kuna, una etnia de Panamà,
• 1 / 12.000 als Estats Units per leis afroamericans,
• 1 / 1.000 a Nigèr, sus l'Isla d'Aland

La forma 4 es relativament frequenta a Japon

L'albinisme e lei persecucions

En Africa mai enlà de l'ostracisme que pòt afectar lei personas albinas, existisson dins quauquei païs, mai que mai dins la part orientala dau continent, de persecucions contra aquestei gents. La cresença que cèrtei parts del còs deis òmes e femnas albins pòdon transmetre de poders magics e èsser utilizats dins de pocions e rituaus magics, o dins d'autreis endrechs portar malastre, a menar a la persecucion e l'assassinat de mantei personas contemporanèament.

Referéncias

<references>