Alain Aspect

Alain Aspect, nascut lo 15 de junh de 1947 a Agen, es un fisician e universitari occitan conegut sustot per aver conduch lo primièr tèst conclusent portant sus l'una de las paradòxas fondamentalas de la mecanica qüantica, la paradòxa Einstein-Podolsky-Rosen.

En 2022, es colaureat del prèmi Nobel de fisica als costats de John Clauser e Anton Zeilinger « per las experiéncias amb de fotons intricats, establissent las violacions de las inegalitats de Bell e obrissent una via pionièra cap a l'informatica quantica ». Los tres cercaires an dobèrt la via a l’informacion quantica en demostrant e en utilizant un mecanisme, l’intricacion, que permet de manipular de particulas a distància, e mai de teleportar lors proprietats. Un fenomèn mes en òbra dins la criptografia quantica dins los embrions d’ordinators quantics.