Ajuda:Foncionament de la pagina Actualitats
La pagina Actualitats a per objectiu de listar per cada jorn de l'annada los faches marcants de l'actualitat mondiala, dins totes los domenis, en provesissent de ligams cap als articles de Wikipèdia. I devon pas figurar e ne seràn levadas las novèlas non neutras o parcialas, e mai las presas d'opinions o los faches tròp anecdotics.
Perqué una pagina Actualitats sus Wikipèdia modificar
Fòrça mond utilizan los motors de recèrca per trobar d'informacions suls eveniments recents. Las « actualitats » de la Wikipèdia occitana an per objectius principals d'acampar, sus una meteissa pagina, de ligams pertinents cap als articles existents que tractan dels eveniments recents, e d'incitar al desvolopament de l'enciclopèdia, d'un biais que Wikipèdia venga una ressorsa de qualitat sus l'actualitat. A tèrme mejan, s’agís de demostrar que Wikipèdia pòt venir una font d'informacions pertinentas suls subjèctes d'actualitats, de delà dels faches quotidians.
Wikipèdia es pas un fial d'informacion modificar
Cal pas envisatjar Wikipèdia coma un jornal en linha, que se balhariá per vocacion la redaccion d'articles al fial de l'actualitat — mentre qu'en practica, los eveniments recents estimulan la creacion e lo desvolopament dels articles de l'enciclopèdia. La bona actitud es de profiechar del dinamisme de l'actualitat per enriquir l'enciclopèdia en contengut de qualitat. Un escuèlh de defugir es de daissar un article sus un eveniment recent venir inexacte, perque abandonat. Tanpauc se cal pas engatjar dins la redaccion d'apondons non neutres que serián modelats pels faches pontuals.
Articles de fons relatius a l'actualitat modificar
En revenge, çò qu'es possible de far en practica, e benlèu melhor que d'unas organizacions professionalas, es tot simplament d'escriure d'articles enciclopedics de fons sus los « subjèctes del jorn » o los eveniments durada (coma las eleccions, las guèrras o encara la conquista espaciala…). La pagina actualitats deu doncas servir de relais cap als articles de Wikipèdia, coma una pòrta d'entrada. Deu pas desvolopar los faches ni los comentar, mas simplement rendre compte de çò que s'es passat a tala data, dins lo mond, en renviant lo lector cap a d'articles pertinents.
Apondre una actualitat modificar
Per apondre una actualitat, çò pus simple es de clicar sul ligam modificar de la data causida, e d'inserir son entrada — en naut de la lista se d'autras actualitats ja son presentas (pensatz d'indicar rapidament lo subjècte de vòstra modificacion dins la boita de resumit).
Cada entrada deu pas despassar la talha d'un pichon paragraf. Una frasa pòt sufire : l'important es que l'informacion siá clarament exprimida, e que l'entrada compòrte qualques ligams cap a d'articles de Wikipèdia. Una convencion s'es establida al fial del temps : la d'indicar d'en primièr, coma un prefixe, lo contèxt (politica, tecnica…) de l'actualitat aponduda. Per exemple :
- Ucraïna, eleccion presidenciala : los primièrs resultats balhan Viktor Iouchtchenko vencedor de l'eleccion amb mai de 52 % dels sufragis. Viktor Ianoukovytch, que refusa de reconéisser sa desfacha, a exprimit lo desir de sasir la Cort Suprèma.
Lo contèxt modificar
Lo contèxt es pas geografic — quitament se, de còps, es practic de lo resumir a un país (coma Espanha). Aquò deuriá pas èsser tanpauc una persona o un luòc precis. L'exemple çaisús indica per contèxt una localizacion geografica e un eveniment politic. Ensajatz de causir lo melhor contèxt possible per l'actualitat qu'apondètz : deu èsser precis, e deu renviar cap a un article existent (s'aquò es impossible, prenètz lo temps d'apondre qualques mots sus l'article mancant).
Qualques exemples de contextualizacion marrida :
- George Walker Bush : a ganhat l'eleccion presidenciala amb 51% dels sufragis exprimits, davant John Kerry.
- Sistèma Solar : de scientifics venon de publicar un article sus la preséncia d'un trauc negre al centre de la Galaxia.
- París : lo defilat del 14 de julhet a acapat de centenats de milierats de badaires suls Camps Elisèus.
Seriá estat pus judiciós d'escriure, per exemple :
- Estats Units, eleccion presidenciala : George W. Bush ganha la 44ena presidéncia amb 51% dels sufragis exprimits, davant John Kerry, 49%.
- Astronomia : de scientifics venon de publicar un article qu'estúdia la preséncia d'un trauc negre al centre de la Via Lactèa, nòstra Galaxia.
- França, Fèsta nacionala : lo defilat del 14 de julhet a acampat de centenats de milierats de badaires suls Camps Elisèus.
L'important es de « respondre » a las questions qui, qué e ont : aquelas informacions deurián aparéisser totjorn dins una entrada novèla, dins la mesura de çò possible.
Citar sas fonts modificar
Es important de citar la font de l'actualitat aponduda, quitament se va desaparéisser (archius pagants a tèrme mejan, en particular). Lo melhor mejan d'o far es d'apondre un ligam cap a la font, jos la forma : <small>[http://www.sitdelafont.com Nom de la font]</small>. Per exemple :
Sonhatz vòstres apondons, sul fons coma sus la forma ; fasètz una previsualizacion abans de validar. Ajudatz-vos d'exemples anteriors.
Fuses oraris modificar
Es important d'indicar un orari per l'actualitat d'apondre, privilegiatz lo temps local e l'UTC. Per exemple, per una catastròfa naturala, la causa melhora de far es d'indicar a l'encòp l'ora UTC a la quala s’es producha, e l'ora locala (quitament aproximativament : matin, desjoner, serada…). Se coneissètz pas l'ora UTC, privilegiatz lo temps local, en lo precisant explicitament.
Mes en cors modificar
Las actualitats se devon pas plaçar dins la pagina del mes en cors, mas sus Actualitats. Aquò evita los doblons e met lo lum sus las actualitats, aisidament accessiblas dempuèi l'acuèlh de Wikipèdia e lo menut general. A la fin de cada mes, las actualitats son transferidas de la pagina Actualitats cap a la pagina idonèa (vejatz çaijós).
Mantenença modificar
Las actualitats modificar
En mai de las mesas a jorn quotidianas, lo contengut de la pagina Actualitats se deu transferir cada mes cap a la pagina idonèa. Pensatz d'o far als jorns J, s'avètz léser.
Lo procèssus es simple : copiatz/empegatz lo contengut d'Actualitats (levada la partida superiora, los interwikis e los modèls !) e plaçatz-lo aprèp una barra orizontala sus la pagina idonèa (prenètz exemple suls meses precedents). Doblidetz pas de transferir lo comentari d'avertiment dins la pagina del mes seguent.
La barra d'actualitats modificar
La barra d'actualitats se compausa d'un calendièr (Modèl:Calendièr Actualitats) e d'un enquadrat de seguiment dels eveniments (Modèl:Debuta actualitats).
- Lo calendièr a lo jorn corrent automaticament mes en color, gràcias a un modèl. Una pagina conten lo calendièr del mes seguent. Legissètz las instruccions se desiratz de cambiar lo calendièr sens o esclafar tot !
- Los ligams de seguiment de l'actualitat permeton de metre en evidéncia d'eveniments siá recents e importants, siá de durada. Mas pas solament : consultatz la pagina de discussion del modèl per ne debatre.