Aimeric de Sarlat
trobador
Aimeric de Sarlat (Eimeri de Sarlat en nòrma mistralenca[1]; Sarlat, fin sègle XII o debuta del XIII) foguèt un trobador occitan de Peiregòrd.
Biografia modificar
Se sap pas grand causa de la vida d'Aimeric. Se pensa qu'èra un contemporanèu, e probablament que dependiá, de Guilhèm VIII de Montpelhièr. Sa vida ditz d'el: N'Aimeric de Sarlat si fo de Peiregors, d'un ric borc que a nom Sarlat. E fez se joglars. E fo fort subtils de dire e d'entendre, e venc trobaire; mas non fez mas una canson.
Òbras modificar
Son estadas servadas sonque cinc composicions d'aqueste trobador, totas de cançons d'amor. Son estil ramenta sovent, o imita, Bernat de Ventadorn.