Aiga règia
L’aiga règia (aqua regia en latin) es una mescla d'acid cloridric e d'acid nitric concentrats dins una proporcion de dos a quatre volums d'acid cloridric per un volum d'acid nitric. Son nom vèn de sa capacitat de dissòuvre de metaus nobles (aur, platin... etc.) insolubles dins leis acids solets. En causa de sei proprietats corrosivas, es una solucion dangeirosa que sa manipulacion necessita de precaucions importantas.
Citada per lo premier còp dins un document dau sègle XIV, l'aiga règia es principalament per sei proprietats corrosivas dins lei domenis de la gravadura, de la metallurgia e de l'analisi quimica. Entre leis usatges modèrnes principaus, se pòu citar son utilizacion coma solvent e electrolit dins certanei procès de purificacion de metaus nobles e coma agent de netejatge per lei tubas de RMN.