Africa Eqüatoriala Francesa
L’Africa Eqüatoriala Francesa (AEF) èra un ensemble de quatre colonias francesas en Africa Centrala. Fondada en 1910, recampèt Gabon, lo Còngo Francés, Chad e Obangui Chari. Sa superficia èra de 2,5 milions de quilomètres carrats e son cap-luòc èra Brazzaville. En 1919, Cameron foguèt associat a l'AEF mai, coma èra un mandat de la SDN, gardèt un estatut especiau e distint. En 1940, l'AEF aguèt un ròtle important dins la formacion de la França Liura car, a l'iniciativa dau governador Félix Éboué, chausiguèt de se raliar au generau de Gaulle. Aquò permetèt un certan desvolopament dei colonias qu'èran demoradas isoladas au sen de l'Empèri Coloniau Francés. L'AEF dispareguèt en 1958 amb la creacion de la Comunautat Francesa.
