Adolph Frank
Adolph Frank (29 de genier de 1834, Klötze - 30 de mai de 1916, Charlottenburg) es un quimista, un engenhaire e un òme d'afaires alemand de la segonda mitat dau sègle XIX e dau començament dau sègle XX. Es famós per sei trabalhs sus lei proprietats e lei procès de produccion de la potassa e de l'azòt.
Originari d'una familha jusieva, estudièt lei sciéncias naturalas e la quimia a Berlin e a Göttingen. A partir de 1860, comencèt de s'interessar a l'esplecha d'un jaciment de potassa e a son utilizacion coma engrais artificiau. Aquò entraïnèt l'aparicion d'una novèla industria. Puei, dins lo corrent deis ans 1890, ambé l'ajuda dau quimista Nikodem Caro (1871-1935), participèt a la concepcion dau procès Frank-Caro que permet d'utilizar l'azòt de l'atmosfèra per produrre industrialament un engrais artificiau azotat, çò que foguèt a l'origina de progrès fòrça importants en matèria de produccion agricòla.