Acid carboxilic
Un acid carboxilic es una espècia quimica organica caracterizada per la preséncia dau grop foncionau carbonil (–C(O)OH). Coma son nom l'indica, son d'acids. Sei basas conjugadas son dichas ions carboxilats. Naturalament presents dins l'environament, leis acids carboxilics son coneguts dempuei l'Antiquitat (acid acetic). Pasmens, suscitan un interès fòrça important dempuei la revolucion scientifica en causa de son ròtle dins lei mecanismes dau vivent e en sintèsi organica. De mai, gràcias a lor reactivitat, leis acids carboxilics an de derivats nombrós, e egalament important en quimia organica, coma lei clorurs d'acil, leis anidrids d'acid, leis estèrs, leis amids e lei nitrils.
