Acòrdis de Munic

(Redirigit dempuèi Acòrds de Munic)

Leis Acòrdis de Munic son un ensemble d'acòrdis diplomatics signats lei 29 e 30 de setembre de 1938 entre Alemanha, Itàlia, lo Reiaume Unit e França. Organizada en respònsa a la crisi dei Sudètas, decidèt d'acceptar lei demandas alemandas. Es a dire que Checoslovaquia deguèt abandonar totei lei territòris chècs poblats per de populacions germanofònas avans lo 10 d'octòbre de 1938. Abandonada per França, Praga acceptèt après aver oficialament protestada lo 30 de setembre.

Fotografia dei signataris deis acòrdis : Neville Chamberlain per lo Reiaume Unit, Édouard Daladier per França, Adolf Hitler per Alemanha e Benito Mussolini per Itàlia.
Carta illustrant lo partiment de Checoslovaquia en 1938-1939.

Aquel acòrdi permetèt d'empachar una guèrra generala entre Euròpa. Pasmens, es uei considerada coma una etapa decisiva vèrs l'entraïnament de la Segonda Guèrra Mondiala. D'efiech, la pèrda dau territòri dei Sudètas aviá de consequéncias militaras grèvas per Checoslovaquia qu'aviá besonh dei montanhas dau sector per tenir sei defensas dins lo cas d'una guèrra còntra lo IIIen Reich. De mai, la pèrda de prestigi de París e de Londres leis empachèron de trobar d'aliats dins la region durant la crisi de Dantzig un an pus tard. Enfin, Alemanha, en violacion dei clausas deis acòrdis, ocupèt la totalitat de la Republica Chèca actuala en març de 1939. Aquò li permetèt de sasir lo materiau militar de l'armada checoslovaca, relativament modèrnes, e d'utilizar l'industria locala per accelerar son rearmament.

Liames intèrnes modificar

Bibliografia modificar

  • (fr) Pierre Miquel, Le piège de Munich, Éditions Denoël, 1998.

Nòtas e referéncias modificar