338a division d'infantariá (Alemanha)
La 338a division d'infantariá (338. Infanterie-Division en alemand) es una division de la Wehrmacht durant la Segonda Guèrra Mondiala (1939-1945). Formada lo 9 de novembre de 1942, foguèt desplegada lòng dau litorau mediterranèu entre Mauguiò e Sausset dei Pins de febrier de 1943 a aost de 1944. Obligada de se retirar vèrs lo nòrd per la vau de Ròse après lo desbarcament de Provença, foguèt en partida destrucha a la batalha de Montelaimar dins la temptativa deis Aliats d'enceuclar la 19a armada alemanda (21-28 d'aost de 1944). Tornada formar a partir dei rèstas de divèrseis unitats, demorèt engatjada sus lo frònt occidentau onte foguèt destrucha dins la Pòchi de Ruhr en abriu de 1945.