Zouk Machine
Zouk Machine es un trio femenin francés de musica zouk, originari de l'illa de Guadalope, conegut en particular pel títol cantat en creòl guadalopenc Maldòn (la musique dans la peau), qu'es estat n°1 en França en 1990.
A la debuta, Zouk Machine es compausat de Joëlle Ursull, de Christiane Obydol e de Dominique Zorobabel. Mas de caps 1989, Joëlle Ursull se tira del grop e comença alavetz una carrièra sòlo, coronada de succès en 1990 en essent classada segonda al Festival de la Cançon d'Eurovision de 1990 per França ambe la cançon en francés White and Black Blues (escricha per Serge Gainsbourg e compausada per Georges Augier de Moussac), e que foguèt tanben un gròs tube en França. Joëlle Ursull es còp-sec remplaçada en 1989 per Jane Fostin : lo grop enregistra alavetz son segond album que conten lor famós títol Maldòn que los va far venir immensament populars en 1990 dins los païses francofòns.
En 1995, Jane Fostin se tira tanben del grop per començar ela tanben una carrièra sòlo.
Dempuèi 2008, Zouk Machine es lo nom de scèna de la sola Christiane Obydol.
Cançons mai conegudas
modificar- Maldòn (la musique dans la peau) (1990)
- Ou ké rivé (1990)
- Sa ke cho (1991)
- D.J. (1992)