Dobrir lo menú principal

Zhuangzi (莊子 en chinés tradicional, 庄子 en chinés simplificat, Zhuāngzǐ en pinyin: Wade-Giles: Chuang Tzu o Chuang Tse, literalament "Mèstre Zhuang") foguèt un filosòf chinés taoïsta del sègle IV a.C. que defendèt lo taoïsme e critiquèt la pensada de Mozi atal coma lo confucianisme. Es tanben conegut jol nom de Zhuang Zhou. Es celèbre per aver escrich lo Zhuangzi, un dels grands classics chineses.

VidaModificar

La vida de Zhuangzi es en partida coneguda gràcias als escriches de Sima Qian (司馬遷, 145-90 a.C.).

Lo relat de Sima QianModificar

Dins los Recòrds del Grand Istorian de Sima Qian, al capítol 63, se tròba un relat de la vida de Zhuangzi. Aquest relat foguèt fins a l'aparicion de l'istoriografia modèrna la font principala per conéisser la vida del filosòf.

Sima Qian lo presentèt coma un letrat clarament engatajat en favor del taoïsme. Aicí un extrach[1]:

Zhuangzi èra ben assabentat de la literatura de son temps, mas preferissiá Laozi e èra apèrtament un de sos seguidors. Es pr'amor d'aquò que de las dètz miriadas de caractèrs contenguts dins sas òbras publicadas, la màger part es occupada per de metafòras destinadas a illustrar las doctrinas de Laozi.

Lo relat balha tanben qualques elements biografics. Zhuangzi èra un fonccionari de la vila de Meng (Anhui) dins l'Estat de Song.

La critica modèrnaModificar

FilosofiaModificar

La filosofia de Zhuangzi revèrta la pensada taoïsta e es caracterizada per lo scepticisme, lo relativisme e una vision del governament a còps qualificada d'anarquista.

Lo concèpte central es lo Dao (道) que pòt èsser entendut coma lo cors natural e espontanèu de las causas, l'òrdre universal preexistent dins la Creacion.L'òme, sol dins la creacion vòl s'afranquir de l'òrdre del Dao en paraulas o en accions. Mas sas accions e sas pensadas son vanas vist que lo discors crea sonque de visions parcialas de la realitat. L'impossibilitat per l'òme de compréner la natura del mond dins son integralitat tròba una solucion, segon Zhuangzi, dins lo wu wei (無為). Aquest concèpte es sovent revirat en non-agir. De fach, se tracha puslèu d'una compreneson del dao e de la serenitat aquesida gràcias a l'acceptacion del mond tal coma es. L'òme es doncas invitat a s'aliberar de sos fantasmas e de son egocentrisme per se centrar subre la realitat sens i ajustar sas ideologias o sas pensadas egocentradas.

ReferénciasModificar

  1. Tirat dels Recòrds del Grand Istorian

Chen, Gu-ying 陳鼓應. 1983. Zhuangzi Jinzhushi《莊子今註今譯》北京:中華書局.

Pregadio, Fabrizio. ed. (2008). The Encyclopedia of Taoism. Routledge.

Zhuang Zi (1996 (3ª edición 2007)). Zhuang Zi: maestro Chuang Tsé. Traducción directa del chino de los 33 capítulos, introducción y notas a cargo de Iñaki Preciado Idoeta. Barcelona: Editorial Kairós.

Zhuangzi 莊子, Œuvre complète, trad. fr. Liou K., Paris, Gallimard / Unesco « Connaissance de l'Orient », 1969.

Ziporyn, Brook (2009), Zhuangzi: The Essential Writings, Indianapolis: Hackett Publishing Company.