Zarafasaura ocenanis

Zarafasaura

Cran de Zarafasaura oceanis.

Classificacion

Règne	Animalia
Embrancament	Chordata
Sosembr.	Vertebrata
Classa	Reptilia
Superòrdre	Sauropterygia
Òrdre	Plesiosauria
Superfamilha	Plesiosauroidea
Familha	Elasmosauridae

Genre

Zarafasaura
Peggy Vincent et al., 2011

Nom binominal

Zarafasaura oceanis
Peggy Vincent et al., 2011

Zarafasaura ocenanis ei ua espècia de reptil escantit apartenhent ara familha des plesiosaures. Demorèc pendent eth cretacèu superior (Maastrichtian, d'aperaquí hè 67 milions d'annades) e es sues rèstes an sigut trapades en Marròc. Ei un des darrères plesiosaures e tanben eth prumèr elasmosaurid african descrit.

Zarafasaura oceanis siguec un plesiosaure que demorèc hè 67 milions d'annades. Açò vò díder que siguec un des darrèrs plesiosaures que demoraren ena Tèrra.

Descripcion e classament

Aguest reptil ei conegut per un cran e ua maishèra gaireben sancers mès tanben per d'autes despulhes qu'includissen ua esqueleta quasi sancera que hèia 7 m de longada trapades en estrats de fosfats deth Marroc. Coma toti es elasmosaurids, Zarafasaura avia un còth plan long, un cos plan e quate pates desvolopades en aletes. Damb tot, avia quauques caracteristiques (coma era forma de quauqui uassi) que'l hèien desparièr d'autes elasmosaurids d'America del Nòrd o del Japon. Eth cran qu'ère mès cuert que d'autes dera madeisha familha.

Paleografia

Es rèstes fossils de Zarafasaura sigueren descrits per prumèr còp en 2011 e an ajudat a compréner era paleodiversitat e era paleogeografia des plesiosaures deth cretacèu superior: es caracteristiques especifiques de Zarafasaura (eth sòn nom vò díder girafa des oceans) confermen qu'avia un cert grad d'endemisme demest es plesiosaures deth Maastrichtian e qu'aguesti èren plan diversi e tanben plan espandits per tot eth món quan acabava eth cretacèu. Açò conferma era ipotesi d'un escantiment catastrofic des plesiosaures coma tanben des dinosaures pendent era fin d'aguesta epóca.

Bibliografia

• Vincent, P., N. Bardet, X. Pereda Suberbiola, B. Bouya, M. Amaghzaz, and S. Meslouh. 2011. Zarafasaura oceanis, a new elasmosaurid (Reptilia: Sauropterygia) fromthe Maastrichtian Phosphates of Morocco and the palaeobiogeography of latest Cretaceous plesiosaurs. Gondwana Research19: 1062-1073.

• Dean R. Lomax and William R. Wahl. 2013. A new specimen of the elasmosaurid plesiosaur Zarafasaura oceanis from the Upper Cretaceous (Maastrichtian) of Morocco. Paludicola 9 (2): 97-109.