Windows Live Messenger

Windows Live Messenger es lo sistèma de messatjariá instantanèa e de visioconferéncia de Microsoft. Sa primièra version, que se disiá MSN Messenger, sortiguèt en julhet de 1999. En decembre de 2005, pren lo nom actual de Windows Live Messenger. Es encara sovent apelat simplament « MSN », çò qu'es incorrècte, pr'amor que forma pas qu'una partida de la ret MSN. Windows Live Messenger designa lo nom del logicial client. .NET Messenger es lo nom de la ret.

Windows Live Messenger
[[Fichièr:|260px]]
Tipe	Messatjariá instantanèa
Desvolopaire/s	Microsoft
Version establa	16.4.3528.0331 (7 d'abril de 2014)
Licéncia	Freeware
Ficha tecnica
Sistèma operatiu	Windows 8, Windows 7, Windows Vista, Microsoft Windows XP, macOS (ca) , Windows Mobile, Windows Phone (ca) , Symbian OS (ca) , BlackBerry OS (ca) , iOS, Windows CE (ca) , Xbox 360 e Android (ca)
Lengatge	C++
messenger.live.com

Windows Live Messenger es utilizat per mai de 330 milions d'utilizaires cada mes.

Per utilizar Windows Live Messenger, cal crear un compte sus Microsoft Passport ambe quina que sia adreça e-mail valida. L'adreça de corrièr électronic es doncas l'identificant dels usatgièrs sus aquel sistèma de messatjariá.

Nota : l'obertura d'un compte de corrièr sus Hotmail obrís tanben automaticament un compte Passport.

Foncionalitats de Windows Live Messenger

• Gestion d’estatut demest 7 prepausats per defaut (En linha, Ocupat(ada) Torna dins una minuta, Absènt(a), Partit(da) manjar, Al telefòn, Fòra linha). Se pòt causir lo seu estatut avans coma aprèp connexion, e cambiar a cada moment.
• Atribucion d'un pseudonim. Es possible tanben d'apondre un messatge personal, de bon véser dins la lista dels vòstres contactes a dreta de son pseudonim. Aquela foncion permet tanben de mostrar lo fichièr musical jogat dins Windows Media Player. (fonciona tanben ambe iTunes )
• Organizacion dels contactes : mòstra dels contactes per adreça MSN o per pseudonim, mòstra dels problèmas, tria per grop o per connectat/pas connectat e classament dins de gropes personals.
• Dessenh dins una convèrsa
• Tanben : recèrca comuna ambe son contacte, aver una carta de visita, crear una convèrsa a mai d'un, salvar sas discussions, salvar sa lista de contactes, etc.

D'interaccions multimèdia son tanben possiblas :

• Convèrsa audio/vidèo : convèrsa audio gràcias a un microfòn e convèrsa vidèo mercé a una webcam.
• Creacion d'un diaporama per partejar sas fòtos
• Mandadís e recepcion de fichièrs
• Partiment de calendièr acompanhat d'eveniments ambe un contacte.
• Mini jòcs : Diamants, Deminaire, Donas, Solitari e Pata.

MSN Messenger per Mac OS

Microsoft aviá tanben realizat una version per Mac OS de son client de messatjariá. La darrièra version es MSN Messenger 5 e fonciona pas que sus Mac OS X.

Intègra pas ni lo supòrt del son, ni de la vidèo, e permet doncas pas la visioconferéncia amb los utilizaires de la version Windows. Microsoft prevei pasmens d'i apondre aquelas foncions dins la version que ven.

Logicials compatibles

De logicials son estats creats per fin de permetre als seus usatgièrs de discutir ambe los autres utilizaires del malhum MSN Messenger sens utilizar lo logicial client oficial. Demest aquels, tornam trapar :

• Adium Client multiprotocòl per Mac OS X, utiliza una partida dels API de Gaim.
• aMSN Logicial liure disponible jos Linux, Mac OS X, BSD e Windows.
• Fire Client multiprotocòl per Mac OS X.
• Gaim Logicial liure multiprotocòl per Linux, Mac OS X, Unix e Windows.
• iChat Logicial de messatjariá instantanèa e de visioconferéncia integrat a Mac OS X. Es compatible ambe MSN en utilizant la palanqueta Jabber.
• Kopete Logicial liure multiprotocòl per Linux, Mac OS X, Unix

• Licq Logicial liure multiprotocòl.
• Mercury Messenger Client MSN libre e multiplataforma escrit en Java.
• Miranda IM Logicial liure multiprotocòl.
• Trillian Client multiprotocòl per Windows.

Es tanben possible de se connectar al malhum MSN Messenger via lo sit de MSN Web Messenger. Aquel site utiliza pas d'applet Java e necessita pas que lo client MSN Messenger siá installat. De mai, es compatible ambe Internet Explorer e Mozilla Firefox.

Tanben present, Windows Messenger, una version mens evoluada de MSN Messenger presenta sus los sistèmas operatius Windows XP, es compatible ambe MSN Messenger e a rendut aquel fòrça popular darrièrament.

Es tanben possible de se connectar al malhum MSN Messenger al utilizaires del standard dobert de messatjariá instantanèa Jabber per l'intermediari d'una palanqueta (carrèg).

Existisson d'extensions per MSN Messenger qu'i apondon de foncionalitats nombrosas, una de las pus conegudas essent Messenger Plus!.

Protocòl

MSN Messenger utiliza lo protocòl Mobile Status Notification Protocol (MSNP) per-dessus TCP (e optionalament per dessús HTTP per aver afar a de proxys) per se connectar al servici .NET Messenger - un servici porgit sul port 1863 de messenger.hotmail.com. Sa version actuala es la 12 (MSNP12), es utilizada per MSN Messenger version 7.5 e d'autres clients tèrç. Lo protocòl es pas completament secrèt; Microsoft a revelat la version 2 (MSNP2) als desvolopaires en 1999, mas a pas jamai revelat las versions 8, 9, 10, 11 o 12. Los servidors .NET Messenger Service accèptan pas a l'ora d'ara que los protocòls de las versions 8 e posterioras, aquò fa que sintaxi de las novèlas comandas de las versions 8, 9, 10, 11 e 12 es solament coneguda en utilizant de niflaires coma Ethereal. MSNP13 sera lo protocòl utilizat dins Windows Live Messenger 8.

Ligams extèrnes

• (en) Sit oficial de MSN Messenger
• (fr) MSN Messenger per Mac OS
• (fr) Dorsièr dedicat a MSN Messenger, sos plugins, actualitats e astúcias...